მოხუცი ფრანგი ქალის სამზარეულოში აღმოჩენილი დიდი ხნის წინ დაკარგული იტალიელი მხატვრის ნამუშევარი აუქციონზე 24 მილიონ ევროდ (26,6 მილიონ აშშ დოლარი) გაიყიდა.
ნახატი პრე-რენესანსის დროის იტალიელ მხატვარ ჩენი დი პენოს ეკუთვნის, რომელიც ჯოვანი ჩიმაბუეს სახელითაა ცნობილი, და აუქციონზე მისი საწყისი ფასი 6 მილიონი ევრო იყო.
Acteon-ის აუქციონის სახლის ინფორმაციით, თანხა ანონიმურმა მყიდველმა ჩრდილოეთ საფრანგეთიდან გადაიხადა და შუა საუკუნეების დროის ნამუშევარში აუქციონზე გადახდილი ფასის რეკორდიც მოხსნა.
ნახატი ერთ-ერთმა აუქციონისტმა ქალაქ კომპიენიში, მოხუცი ქალბატონის სახლის სამზარეულოში აღმოაჩინა და მფლობელს ურჩია, მის შესაფასებლად ექსპერტებისთვის მიემართა.
ხელოვნების ნიმუშს ტესტი ინფრაწითელი სხივის გამოყენებით ჩაუტარეს და დაადგინეს, რომ ის ჩენი დი პენოს ეკუთვნის.
ნახატი, რომლის ზომა 20სმ სიგანისა და 26 სმ სიგრძის ნახატი, სავარაუდოდ 1280 წელსაა შექმნილი. მასზე ქრისტეს ჯვარცმაა გამოსახული.
წყარო : www.bbc.com
მასალა მოამზადა : თამარ ტაბატაძემ
0
