ზოგიერთი ფერი არის ისეთი შთამბეჭდავი, გვერდს ვერ აუვლი შენი პროექტის დიზაინში მის გამოყენებას, თუმცა აქ გასათვალისწინებელია ის ფაქტი – კონკრეტული ფერი დაცულია თუ არა რომელიმე სავაჭრო ნიშნით, რადგან კომპანიებს შეუძლიათ, ფერებს დაადონ სავაჭრო ნიშანი და მოიპოვონ მათი მრეწველობაში გამოყენების ექსკლუზიური უფლება.
ბარბების მაღაზია ,,Mattel-ის” ბარბის ვარდისფერი არის სავაჭრონიშანდაკრული 100-ზე მეტი სახის კომპანიის კატეგორიაში. ,,Mattel-მა” უჩივლა ,,MCA records-ს” წარწერა ,,Barbie girl-ისთვის“. მოსამართლემ კი გამოიტანა განაჩენი: “The parties are advised to chill”, – რითაც მხარეებს სიმშვიდისკენ მოუწოდა.
სამკაულებისა და ძვირფასეულობის მაღაზიის ცისფერს – “Tiffany&Co” – ექსკლუზიური სავაჭრო მარკა 1998 წლიდან აქვს.
შოკოლადების მწარმოებელი კომპანია ,,Cadbury-ის” მეწამული იისფერი, დედოფალ ვიქტორიას საპატივსაცემოდ აიღეს 1800-იან წლებში. კომპანია, დღემდე ებრძვის „ნესტლეს“, ფერის გამო.
,,T-mobile-ს” ჰქონდა ბევრი სასამართლო პროცესი მაგენტას – მეწამული ვარდისფრის გამო. კომპანიამ, 2014 წელს, AT&T გამართული სასამართლო პროცესი მოიგო ამ ფერის გამოყენებისთვის.
UPS (United Parcel Service) იყენებს საკუთარ ყავისფერს 1916 წლიდან.
John Deere-ს ეკუთვნის უფლება თავის მწვანე და ყვითელ ფერებზე და, შესაბამისად, სხვა სამანქანო დანადგარები ვერ გამოიყენებენ ამ ფერებს განცალკევებით, ან კომბინირებულად.
Texas-ის უნივერსიტეტს ეკუთვნის მუქი ნარინჯისფერი. მათ ,,აიფონის” 2 აპლიკაცია ამ ფერის გამოყენების გამო 2010 წელს დახურეს.
მასალა მოამზადა: ციცი კიკვაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
