ტერმინი ,,ლიზინგი“, სათავეს იღებს ინგლისური სიტყვიდან Lease და ქირის საფასურით ქონების აღებას/გაცემას ნიშნავს. ბოლო პერიოდში ლიზინგით მომსახურება საქართველოშიც აქტუალური გახდა, კომპანიები მომხმარებლებს სხვადასხვა პირობასა და პროცენტს სთავაზობენ. რას ნიშნავს ლიზინგი და რამდენად მომგებიანია ამ მომსახურებით სარგებლობა.
ლიზინგი განვადების მსგავსი სერვისია, რომელიც კომპანიებისა და სხვადასხვა ფირმის მიერ ძირითადად, საწარმოო დანადგარების შესაძენად გამოიყენება, თუმცა, ლიზინგით სარგებლობა ფიზიკურ პირებსაც შეუძლიათ.
ლიზინგის მეშვეობით, კომპანიას რაღაც ინვენტარის ან საწარმოო დანადგარების შეძენა შეუძლია, რომელსაც შემდეგ ამუშავებს, შემოსავალს მიიღებს და ამის საშუალებით, შეასრულებს იმ ვალდებულებას, რაც სალიზინგო კომპანიასთან აქვს გაფორმებული. მაგალითად, თუ პირს ავტოსამრეცხაოს გახსნა სურს და დანადგარების შესაძენად თანხა არ ჰყოფნის, შეუძლია, სალიზინგო კომპანიას მიმართოს, დანადგარების ღირებულების 30%-40% დაფაროს, სამრეცხაო გასხნას, ამუშაოს და ასე შეასრულოს სალიზინგო კომპანიის წინაშე აღებული ვალდებულება.
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
