დაავადებათა კონტროლისა და საზოგადოებრივი ჯანმრთელობის ეროვნული ცენტრი მოსახლეობის საგანმანათლებლო და ცნობიერების ამაღლებისთვის საინფორმაციო კამპანიას გეგმავს. ამის შესახებ on.ge წერს.
უწყებას ამ მომსახურებისთვის ტენდერი აქვს გამოცხადებული, რომელის სავარაუდო ღირებულება 378 ათასი ლარია. საგანმანათლებლო კამპანიის მიზანია:
საგანმანათლებლო და ცნობიერების ამაღლების კამპანიით, თამბაქოს კონტროლის კანონმდებლობის აღსრულების ხელშეწყობად გარემოს შექმნა;
მოსახლეობის ინფორმირებულობის დონის ამაღლება თამბაქოს საკითხებზე, მათ შორის, კანონმდებლობის ძირითად პრინციპებსა და თამბაქოს, როგორც ჯანმრთელობის ქცევით რისკ-ფაქტორზე;
მოსახლეობის ინფორმირებულობის დონის ამაღლება თამბაქოს მოხმარების აკრძალვის დანერგვის მხარდასაჭერად.
ყოველწლიურად საქართველოში თამბაქოს მოხმარების გამო 11 400 ადამიანი იღუპება.
2018 წლის 1 მაისიდან ძალაში შედის “თამბაქოს კონტროლის შესახებ” კანონი, რომლის მიხედვითაც თამბაქოს მოწევა, (ასევე, ელექტროსიგარეტის) სხვადასხვა ტიპის დაწესებულებებში იკრძალება.
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
