ჭკვიანი ფეხსაცმელი ანიმაციური ეკრანით – ეს ფეხსაცმლის ახალი თაობაა, რომლის ინოვაციური იდეა კომპანია „ShiftWear-ს” ეკუთვნის.ფეხსაცმლის უნიკალური დიზაინთან შერწყმული ულტრათხელი და რბილი, ფერადი ეკრანი, რომელიც Full-Hd გაფართოებითაა, ცნობილია, როგორც E-paperეკრანი.
ფეხსაცმელზე ფერების, სურათების და ვიდეოების კონტროლი სმარტფონის სპეციალური აპლიკაციის მეშვეობით, ნებისმიერ დროსაა შესაძლებელი.
თქვენ შეგიძლიათ აირჩიოთ ფონი, ფერი, საყვარელი ვიდეო და რამდენიმე წამში ის თქვენს ფეხსაცმელზე გამოჩნდება.ასევე შესაძლებელია, თავად შექმნათ უნიკალური დიზაინი მიყიდოთ ის სხვა მომხმარებელს აპლიკაციის მეშვეობით ან თავად შეიძინოთ სხვის მიერ შექმნილი უნიკალური დიზაინი.
ჭკვიანი ფეხსაცმელი სამი განსხვავებული დიზაინით და 5 განსხვავებული ძირითადი ფერითაა ხელმისაწვდომი. ფასიც განსხვავებულია და 200 დოლარიან 500 დოლარამდე მერყეობს.ანიმაციებისა და ეფექტების შეცვლა კედებზე სიარულის დროსაც კი შეიძლება. ამ კედების შეძენა ონლაინში – www.shiftwear.com –ზე ცოტა ხნის წინ დაიწყო. ამჟამად, საიტზე სამივე ტიპის ფეხსაცმელზე წინასწარი შეკვეთების მიღება შეწყვეტილი.
როგორც საიტზე მითითებული ინფორმაციიდან ირკვევა, ფეხსაცმელი კაბელის მეშვეობით იტენება და სრულად დატენილი 30 დღის განმავლობაში ძლებს.
რაც ყველაზე მთავარია – ჭკვიანი კედები წყალგამძლეა და მისი მანქანის მეშვეობით რეცხვაც ნებადართულია.
ახალი ფეხსაცმლის შექმნის იდეით www.indiegogo.com –ზე ახალგაზრდა მეწარმეთა ჯგუფი 2015 წელს დარეგისტრირდა და საკუთარი იდეის განსახორციელებლად შემოწირულობას ამ დროიდან აგროვებს.მოდის სამყაროში ეს ნოვატორული იდეა ონლაინში უამრავმა ადამიანმა დააფინანსა.ამ ეტაპზე ჯგუფმა $926,877 შეაგროვა, შესაბამისად კედების წარმოება დაწყებულია.
გეგმის მიხედვით, 3 მილიონი დოლარის დაფინანსების შემთხვევაში, ჯგუფი, სენსორული ეკრანით, აუდიოსისტემით და სიარულის დროს დატენვის შესაძლებლობით აღჭურვილ კედებსაც გამოუშვებენ.
წყარო: inc.com
მასალა მოამზადა: ლაშა ჯინჭარაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
