ტემპერამენტის მიხედვით განასხვავებენ ოთხი ტიპის ადამიანებს:
სანგვინიკური ტიპის ადამიანი მოძრავი, ცოცხალი, ემოცური და მგრძნობიარეა. გამოირჩევა უდარდელობითა და ხალისიანობით. ახასიათებს მოქმედების სისწრაფე, ემოციების თავშეუკავებელი გამოხატვა და ჟესტიკულაცია. სანგვინიკებს შუძლიათ ცხოვრებაში დაინახვონ უფრო მეტი პოზიტიური, ვიდრე ნეგატიური.
ქოლერიკული ტიპის ადამიანები ფეთქებადი და ფიცხი ხასიათის პიროვნებები არიან. ახასიათებთ სწრაფი მოძრაობები, ემოციური აღგზნებადობა, მტკიცე და ხანგრძლივი გრძნობები. გამოირჩევიან მბრძანებლობით, არ უყვართ მორჩილება და ადვილად ბრაზდებიან. სანგვინიკური ტიპებისგან განსხვავებით, ქოლერიკული ტემპერამენტის ადამიანები ცხოვრებაში უფრო მეტ ცუდს ხედავენ, ვიდრე კარგს.
ფლეგმატიკური ტემპერამენტი ადამიანებს ახასიათებთ დინჯი, აუჩქარებელი მოძრაობები. არიან გულცივები და გულგრილები, რომლებიც გარეგნულად გრძნობებს არ გამოხატავენ. იშვიათად ბრაზდებიამ, თუმცა გაბრაზების შემთხვევაში, ძნელად წყნარდებიან. მიდრეკილები არიან დადებითი, სასიამოვნო ემოციებისაკენ.
მელანქოლოკური ტემპერამენტის ადამიანებს ახასიათებთ აუჩქარებელი, დინჯი, მოდუნებული მოძრაობები. გრძნობების გარეგან გამოხატვაში არიან თავშეკავებულნი. ძირითადად, განწყობილი არიან პესიმისტურად, რადგან ცხოვრებისგან უფრო მეტ ცუდს მოელიან. ამ ტიპის ადამიანები უფრო მეტად ჩაკეტლები არიან და ეტანებიან მარტოობას. არ უყვართ სხვებთან კონტაქტი და მიდრეკილნი არიან უსიამოვნო გრძნობებისადმი.
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
