საუკუნეების მანძილზე ზოგიერთ ადამიანს მიაჩნია, რომ ჩვენი სამყარო ერთ-ერთია მრავალ სამყაროს შორის, რომლებიც ერთმანეთის პარალელურად არსებობენ. ამ თეორიას მულტივერსის თეორიას უწოდებენ და მას ბევრი სკეპტოსი ჰყავს, თუმცა ამას კოსმოლოგებისა და ასტრონომებისთვის ხელი არ შეუშლია, მულტივერსის თეორია ამოუცნობის ასახსნელად გამოეყენებინათ.
ცივი ლაქა
Royal Astronomical Society-მა ახალი კვლევა ჩაატარა, რომლის მიზანი კოსმოსში „ცივი ლაქის“ გარშემო არსებული კითხვებისთვის პასუხის გაცემაა.
მოკლედ რომ ვთქვათ, ცივი ლაქა, წარმოადგენს კოსმოსის ,,გრილ” ლაქას რადიაციაში, რომელიც სამყაროს ფორმირების შემდეგ არსებობს.
ცივი ლაქა NASA- ს ,,WMAP- ის” სატელიტმა პირველად 2004 წელს აღმოაჩინა. ,,ევროპის კოსმოსური სააგენტოს” პლანკის მისიამ მისი არსებობდა დაახლოებით 10 წლის წინ დაადასტურა. RAS-ის კვლევის თანახმად, ცივი ლაქა სხვა გალაქტიკების ნაკლებობის შედეგია. არსებითად, ცივი ლაქა არის სიცარიელე მულტივერსში.
„ბევრი ვერსია არსებობს, თუმცა ყველაზე საინტერესოა ის, რომ ცივი ლაქა ჩვენი და სხვა სამყაროს შეჯახების შედეგად წარმოიშვა. ეს კი იმას ამტკიცებს, რომ ცივი ლაქა მულტივერსის თეორიის პირველი მტკიცებულებაა,“ – განაცხადა დურჰამის უნივერსიტეტის მეცნიერმა ტომ შენკსმა. ხოლო თუ ეს ასეა, ეს თანამედროვე ფიზიკის დასასრულს ნიშნავს. ფიზიკა, არსებობს იმის დასადასტურებლად, თუ რატომ მოქმედებს და ყალიბდება სამყარო კონკრეტული ფორმით. ის ავითერებს თეორემებსა და განტოლებებს ჩვენი სამყაროს ფუნდამენტური ნაწილების ასახსნელად. თუმცა მულტივერსის თეორიია ჩვენს ცოდნას ზღუდავს. სხვა სამყაროებს შესაძლოა სრულიად განსვავებული წესებით არსებობდნენ. უსასრულო სამყაროები ნიშნავს უსასრულო შესაძლებლობებს უნიკალური წესებისთვის. ამიტომ ფიზიკის ახსნა შეუძლებელი იქნებოდა. ამ ფაქტმა გამოიწვია ის, რომ მთელი რიგი ფიზიკოსები, ასტროფიზიკოსები და კოსმოლოგები მტკიცედ უარყოფენ მულტივერსის თეორიას.
სტენფორდის კოსმოლოგი, ანდრეი ლინდი, ეჭვქვეშ აყენებს იმას, რომ მულტივერსი მეცნიერებად არ მიიჩნევა. „ნებისმიერმა, ვისაც მულტივერსის თეორია არ მოსწონს, საპირისპირო ფაქტები და ახსნა უნდა წარმოადგინოს. ეს ბევრს უცდია, თუმცა ჯერჯერობით ვერავინ მოახერხა. აი, რატომაა, რომ მულტივერსის თეორიას ასე სერიოზულად ვუყურებთ,“ – განაცხადა ლინდიმ.
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
